БОЛАЛАРДА ЎТКИР ЭШАКЕМИ ВА КВИНКE ШИШИНИНГ РИВОЖЛАНИШИГА САБАБ БЎЛУВЧИ ОМИЛЛАР

Abstract

Болаларда ўткир эшакеми  ва Квинкe шиши ривожланишини қўзғатувчи омилларнинг аҳамияти ўрганилди. Бемор болаларнинг 90 та тиббий хариталари ретроспектив таҳлил қилинди: 57 (63,3%) ўткир эшакеми, 33 (36,7%) Квинке шиши билан биргаликда кечувчи ўткир эшакеми ташхиси қўйилган.  Ўткир  эшакеми ва Квинке шиши билан касалланиш беморларнинг жинси ва ёшига боғлиқ эмас. Бу хасталиклар кўпинча баҳор ва ёзда ривожланади. Квинке шиши сезиларли даражада тез-тез ҳашаротлар чақишидан, изоляцияланган ўткир эшакеми - озиқ-овқат аллергенларидан келиб чиқади, улардан асосийси қулупнай ҳисобланади.